Eritrea: Guverinoma yategetse buri mugabo gushaka abagore benshi uwanze agafungwa burundu”Ubuhanuzi”?
Guverinoma ya Eritrea yategetse abagabo bo muri iki gihugu kujya barongora abagore barenze umwe bitaba ibyo bagafungwa.
Ishingiye ku itegeko ry’Imana mu gushaka abagore barenze umwe, n’ikibazo cyo kuba abagabo muri iki gihugu bari kuba bacye, department ya leta ishinzwe ibibazo by’iyobokamana yafashe ibyemezo bikurikira.
Icya mbere, buri mugabo agomba gushaka byibuze abagore babiri kandi umugabo wanze kubikora akaba ashobora gufungwa ubuzima bwe bwose ari nako akorera agahato.
Umugore uzangira umugabo we gushaka undi mugore nawe azahanishwa igifungo cya burundu nk’uko itangazo rya guverinoma ryashyizwe ahagaragara rivuga.
Guverinoma ya Eritrea ivuga ko buri mugabo agomba gushaka abagore benshi bashoboka bakabyara abana benshi bashoboka mu rwego rwo kuziba icyuho cyatewe n’intambara yahuje Eritrea na Ethiopia nk’uko urubuga wabtechonline.com dukesha iyi nkuru ruvuga.
Nubwo abagabo benshi banejejwe n’iki cyemezo, ngo abandi bumva ari ukubangamira uburenganzira bw’ikiremwamuntu kandi kibangamiye ubwisanzure bwabo mu guhitamo. Abagore benshi muri iki gihugu kandi nabo ngo ntabwo bishimiye iki gitekerezo.
Leave a Reply